بدون عنوان

بقالى كتير مكتبتش أحداث كتييييييييييييييييير موووت حصلت فى حياتى بس قريب اوى هكمل كتابة حتى لو محدش هيقرا كفايا عليا انى اكتب وبس

كلّه يهنى معايا

كله يهنى معايا الانسه مريومااااااااااااااااا فاكهة الجروب بتاعنا على خطوبتها انهارده على الاستاذ عمرو

crazy rama الف مبروك

تانى تهنئة الى سلمى عشان عيد ميلادها بكره واقولها ربنا يباركلى فيكى يا رب

وكان نفسى اضيف صور فى البوست ده بس مش بعرف

عقبال كل البنات يا رب كده لما ربنا يرزقهم بالزوج الصالح

وعقبال كل الشباب لما ربنا يرزقهم بواحده زى سلمى

سلامووووووووووز

استضعفوك فذبحوك

استضعفوك فذبحوك

هل من الممكن أن يتأثر الأنسان بحكمة ما فتقلب حياته رأسا على عقب ؟

الأجابه من الممكن أن تكون بالايجاب أو بالنفى

عبارة هذا البوست هى " أستضعفوك فذبحوك ألا ذبحوا الليث بن الأسد"

قائل العبارة :هو أبو العلاء المعرى )

مناسبة العبارة:ان ابو العلاء المعرى ده كان بيطلق عليه رهين المحبسين اللى هما ايه بقا !1 حبس نفسه بالبيت وحبس بصره بالعمى

المهم انه مرض مرض شديد فى يوم من الأيام وجاله الطبيب فقاله ايه ده يا ابو علاء ايه اللى انت عامله فى نفسك ده انت مبتاكلش يا نجم خالص بطل بخل وشبرأ على نفسك وكل لحمة وأنت تخف وبطل سحت يا أخى

المهم عمونا العريان قصدى المعرى جابوله ديك عشان يبرشأ على نفسه (الأصل فى الكلمة يشبرأ بس بعد التحريفات من سلمى كما اعتادت ان تلفظها)

المهم قفشوا الديك من قفاه وهتك يا دبح والديك يتنطط وكوكو كوكو لكن ايه مفيش فايده ودبحوه بتهمة انه ديك مع سبق الارصاد والترقب

عمونا المعرى اول ما شاف كده قام قايل البؤ ده ( استضعفوك فذبحوك ألا ذبحوا الليث بن الأسد)

يعنى أنهم دبحوا الديك بتهمة انه ديك وابوه ديك وعيلته كلها ديوك والديوك لا حول لها ولا قوة غلبانه فى دنيتها يفضل الديك الصغير يطّحن فى مقتبل حياته من ديك أكبر منه جايز الديك ده دكتور عنده فى الجامعه جايز مديره فى الشغل او أى حاجه تنايه المهم انه يطلعله ديك ينغص عليه عيشته والسلامه والديك الصغير يفضل ساكت عشان خاطر انه نفسه يكون عشّته وان ربنا يرزقه بالفرخه بنت الحلال اللى تجيبله الفراخ الصالحة

لكن أول ما الديك يكبر ويتجوز وتبقا الفراخ عياله حواليه يقوموا هووووب ماسكينه ساحلينه من قفا امه ويالا عشان تندبح ويقولهم يا جدعان أنا ديك يقولوله ماهو عشان كده هتندبح يا جدعان مراتى يردوا مسيرها تندبح

يقول وعيالى يا جدعان؟ يردوا : برضوا هينبدحوا بس لسه مجاش وقتهم

لكن لو بصينا للأسد يا عينى عالدلع تلاقيه قاعد كده ومربّى شعره وينادوله فى الغابه يا اسد يا دكر يا فحل وتلاقى جنبه الانسه مراته هيا تصطاد وهو ياكل يعنى بيعملوا شركه مع بعض هيا بالاكل وهو بالمجهود يا أه يا أه وأحلى من الشرف مفيش

المهم الشركه دى ينتج عنها شبل صغير يملا عليهم البيت فرح ومرح والشبل ده محدش يقدر ييجى جنبه

عارفين ليه؟

عشان أبوه أسد وأمه لامؤاخذه أسدايه وعيلته كلها أسود والأسد يوم ما هيطلع عالمعاش وسنانه تقع ويبقا أسد أهتم برضوا هيفضل أسد ومحدش هيسحله من قفا امه عشان يندبح

السؤال اللى بيطرح نفسه هنا نعيش اسود ولا نموت ديوك؟

بس لو بقينا ديوك هنندبح عشان احنا ديوك وعيلة العيلة ديوك

طب لو عيشنا أسود؟ يبقا لازم نخلّفلنا ببهات وممهات اسود

تفتكروا ايه الحل..........

صغار ولكن كبار

صغار ولكن كبار

باسم ذو الأحد عشر ربيعا وذو المائة خريفا حيث يمضى عمره كله خريفا يتساقط عمره اليوم تلو اليوم ولكنه رضى بقدره ذلك اليوم الذى لم يكن له يد به حيث يقضى يومه من العاشرة صباحا الى العاشرة مساء على عربة " كبدة وسجق" والتى أستأجرها من والده ليستأنف بها ما بدأه أباه بعد أن قام والده بأخذ مطعم أكبر ليزاول نفس المهنة

أول ما شدنى الى ذلك الصبى هو نظرته الصلبه التى تنبأ عن معاناة وتفكير بل خيّل الى انها نظرة حرمان حرمان من شىء لم يكن له من قبل فى يوم من الايام وكعادتى قمت بمناغشته لأعرف ما يدور بخلده فهو طفل صغير يسهل استدراجه وهو ما أدركت خطأه فيما بعد

بدأت حديثى معه قائلا " مين اللى واقف على العربية دى يا بابا " فأجاب " أنا" عقد حاجباى معا ليشكلا مثلثين مقلوبين الا اننى لم أجعله يشعر بأننى أقلل من شأنه أو ما شابه بسبب قصر سنه أو قامته التى شارفت على بلوغ المتر فطلبت منه ما أريد وقمت باستدراجه ليحدثنى عن نفسه فقال لى متفاخرا أنه بالمدرسه وأن له أختا مهندرسة وابن عم بكلية الطب .

وعندما سألته عما ينويه فيما بعد كان رده بليغا حيث قسم رده الى اجابتين أمنية فى المستقبل القريب وأخرى فى المستقبل البعيد

فذكر لى أنه ينوى شراء ذلك المحل الذى أمام فاترينته وأنه يقوم بتحويش المبلغ اللازم لذلك أما ما ينويه فيما بعد فهو أن يلتحق بكلية السياحة والفنادق حيث يمارس ما يحيه وهو الطهى

وعندما سألته عن سبب ذلك مذكرا اياه أن جميع أقرانه عندمايسألون عن أمنيتهم فى المستقبل فيجيبون بظابط أو دكتور أو ما شابه فذكر لى أن الجميع يقولون هكذا ولكن من منهم يحقق ذلك؟

فهو يريد تحقيق حلمه لغرضين أولهما أنه يحب ذلك وثانيهما انه يستطيع فعل ذلك

باسم هذا يقوم بتوفير دخل لنفسه بل أنه يقوم أيضا بتوفير دخل لعائلته وتحويش ما يتبقى بعد ذلك

بعد أن قام باسم بلف الطلب لى تمنيت لو طال الحديث بينى وبينه أكثر وأكثر ولكن هكذا هى الحياة محطات ولكنى أعتقد أن تلك المحطة أضافت لى الكثير

فشكرا لك يا باسم

بمتحن

انا مش هتكلم فى سياسة ولا غيرة ولا هتكلم عن جوازة جمال ولا هتكلم عن الاوضاع اللى البلد فيها

أنا حاليا بمتحن ومستنى بجد دعواتكم لانى فى موقف حرج مووووووووووت

أدعولى بالنجاح وأدعو على دكتور حسين ربنا ياخده

ربنا ياخدك يا حسين بجد

خسخس

خسخس
احنا جيل بيوصل جيل
وكل جيل بيلعن جيل
والجيل اللى جاى
راح يسرح كله بمناديل
يا راضى ارضى بالنصيب
واياك تفكر أو حتى يخطر
فى بالك أنك
انسان سعيد
يمكن لأنك
مصرى بدمك
يبقا مصيرك الحديد
عايز تقرر
يابنى غيّر
وكلمنى
من بعيد لبعيد
أنا خايف يابنى على ولادى
أربعه بيقولولى يا دادى
أصل ده طبع أجدادى
نتكاثر ونمشى جوه الحيط
وكمان خايف على سوسو مراتى
فى بطنها واد
بكره يقولى يا دادى
مين راح يعلمه سلو أجدادى
يدور فى ساقيه زى الجواميس
عيل نادانى
يابا نفسى
أجيب قميص
يابنى مفيش
وأوعاك تقول
فى يوم عليا
انى خسيس
خسخس
من التخسيس
ولا كلمة من الخسيس
بتفيد دايما تهليس
توشكى وغيرها
وقناة سويس
دخل لمصر
يا رب يا مغيث
دى مليارات رايحه جاية
والاسم قال
على شحنة فوانيس
عيل نادانى
من تانى يابا
هاتلى جزمة
رديت عليه
يابنى ليه
ملهاش لازمة
البس يابنى بالقديمة
وأقنع نفسك
أنها جديده
كل اللى راح يشوف شكلك
هيقولك
مبارك يابنى عالجزمة

خواطر بدون مخاطر 1

الشوق والبعاد

مالى بك يا فتاتى

عاشق يذوب فى هواك

فحبك يجرى فى دمى

وعشقك هو شفائى من الداء

ففى بعدك عنى عذابى

وما أشد من عذاب البعاد

وأشتقت لرؤياك يا أميرتى

وصرت عبد أسير فى حبك

وكم ظللت أعد الليالى

والنوم يضيع منى كأنه حليفك

وظللت أعد أنفاسى

لعل ذلك ينسينى جراحك

فما وجدت عندى سوى

قلب جريح بحبك

قلب زرعت فيه وردة

فأعدتيه الى الحياة والدفأ

قلب أعطيتيه الحب بنظرة

فجعلتيه يهوى من فى الأرض

ثم نزعتى ذلك الحب بكلمة

فهويت بقلبه الى أبعد البقع

فصار قلبى اطلال يبكى عليه

من رأه ويهوى بالدمع

وماصار لقلبى منفعة

بعد أن أصبح مليئا بالندم

ندم على كل لحظة

عشت فيها على حبك

تمت

أتمنى ان العك اللى كتبه ده ينول اعجابكم وزى ما قلت دى خواطر بدون مخاطر